Северна Македонија се одликува со богата и разновидна ентомофауна, со голем број видови, меѓу кои и многу ендемични. Класата Insecta е најбројна и опфаќа околу 6,198 видови, од кои повеќе од 200 се ендемични. Оваа исклучителна биолошка разновидност е резултат на географската положба на земјата, спојот на медитеранската и средноевропската клима и широкиот спектар на абиотски услови на животната средина. Врз основа на овие природни фактори, Одделот за ентомологија е основан во 1941 година од д-р Крсто Тулешков.

Стручниот кадар на одделот е ангажиран во истражување, собирање, подготовка, проучување, заштита и објавување на ентомолошки материјал. Дополнително, одделот подготвува и учествува во реализацијата на тематски, привремени и постојани ентомолошки музејски изложби.

Ентомолошката збирка опфаќа 190,309 примероци, систематски организирани во повеќе збирки, меѓу кои:

• Vespidae

• Carabidae

• Staphylinidae

• Curculionidae

• Cicadidae

• Odonata

• Neuroptera

• Orthoptera

• Syrphidae

• Lepidoptera (дневни и ноќни пеперутки)

Контакт: М-р Решат Зеќири, виш кустос

Е-пошта: r.zeqiri@musmacscinat.mk