Едукација
Почетоците на едукативната и педагошката дејност во Музејот датираат од периодот по Втората светска војна, кога биле организирани првите музејски изложби. Ова ја наметнало потребата од поголемо вклучување на стручниот кадар во обезбедувањето дополнителни информации за посетителите за изложените експонати. Со текот на времето, едукативно-педагошката служба прераснала во Оддел за едукација, кој денес функционира во рамките на Одделот за едукација и библиотека и дава значаен придонес во севкупната работа на Музејот.
Во рамките на Одделот за едукација се спроведува континуирана промоција на културните, природните и научните вредности на музејските збирки. Одделот подготвува и реализира интерактивни едукативни програми, проекти, предавања и други форми на образовни активности наменети за различни целни групи, како и изработка на едукативни материјали поврзани со природата. Исто така, воспоставува соработка со образовни и стручни институции. Главната цел е проширување на знаењата и подигнување на јавната свест за значењето на природата за човештвото.
Контакт: Лилјана Стефановска, едукатор
Е-пошта: educator@musmacscinat.mk
Библиотека
Националната установа Природно-научен музеј на Република Северна Македонија одржува специјализирана библиотека која извршува сложени задачи поврзани со набавка, стручно обработување, обезбедување пристап, зачувување, заштита и дигитализација на библиотечниот материјал и збирки.
Библиотеката располага со богата книжна збирка која вклучува книги и периодични публикации од областа на биологијата, геологијата и палеонтологијата, со што придонесува за унапредување на стручната и научната работа на вработените во Музејот.
Како резултат на разменските програми со публикациите на Музејот (Annales Musei Serbiae Meridionales, Acta Musei Macedonici Scientiarum Naturalium, Fragmenta Balcanica, Special Edition, Fauna of Macedonia, and Jubilee Proceedings), библиотеката набавува голем број наслови, особено сериски публикации. Размената се реализира со 419 институции во земјата и странство, а најголемиот дел од годишната набавка на книги, публикации и списанија се обезбедува преку размена или донација.
По извршената ревизија на фондот во 2019 година, библиотеката располага со 64,960 единици, од кои 3,215 се монографии и 1,190 се периодични публикации..
Контакт: Билјана Кузевска, библиотекар
Е-пошта: librarian@masmucscinat.mk