Научи повеќе за нас

Историја

Природонаучниот музеј на Р.С. Македонија е формиран на 26 октомври 1926 година, на иницијатива на познатиот зоолог д-р Станко Караман. На идејата за формирање на една ваква институција ѝ претходеле неколку настани, кои се покажале како пресудни за донесување на една ваква одлука. Најнапред, тоа е излегувањето на монографијата „Македонија“ (Mazedonien) од д-р Франц Дофлајн во 1921 година, од каде што младиот Станко Караман ги добива првите информации за разно­видноста на флората и фауната во Р.С. Македонија и тоа претставува силен поттик да донесе одлука да ја посети нашата држава.

Првпат доаѓа во Р. С. Македонија во 1922 година. Иако престојот бил краток, д-р Караман, сепак, успеал да собере и да проучи доволно материјал за да го објави својот прв труд Придонес кон херпе­тофауната на Македонија Следниот, подолг престој, се остварил наредната, 1923 година. На покана на Хигиенското одделение на тогашното Министерство за народно здравје, д-р Караман поминува шест месеци во проучувањето на мала­ричните комарци со цел сузбивање на маларијата. Резултат на неговата работа е трудот Анофелите во Македонија, објавен истата година. Покрај службената работа, младиот Караман со голем ентузијазам колекционира и обработува различен фауни­стички материјал, при што посебно внимание посветува на ихтиофауната во Р.С. Македонија. Резултат од таа негова работа и посветеност е уште едно капитално дело за македонската фауна Fish Рибите во Македонија, кое излегува во Сплит, во 1924 година.

Органограм и организациони единици

Во музејот се содржани следниве организациони единици:
1.Административна служба, во чиј состав влегува:
1.1 Одделение за општи-правни работи, човечки ресурси, маркетинг и материјално-финансиски работи.
2.Стручна служба, во чиј состав влегуваат:
2.1.Одделение за геологија и палеонтологијa
2.2.Одделение за инвертебрата;
2.3 Одделение за ентомологија;
2.4 Одделение за вертебрата;
2.5 Одделение за орнитологија;
2.6 Одделение за ботаника;
2.7 Одделение за едукација и библиотека;
2.8 Препараторско одделение;
3.Помошно-техничка служба